Vida en Marte

La posibilidá de vida en Marte ye una tema que recibió un particular interés non solo de parte de la comunidá científica sinón tamién pol públicu polo xeneral por cuenta de la so semeyanza y proximidá cola Tierra. Hasta la fecha entá nun se pudo atopar evidencia definitiva que confirme la esistencia presente o pasada de vida en Marte. Aun así, tiense evidencia acumulativa que favorez la posibilidá de que Marte, nun pasáu, allugara agua líquido y que esta fuera óptima pa poder sostener vida. Sicasí, la esistencia de condiciones habitables nun indica necesariamente la esistencia de vida. Por ello, anque'l consensu xeneral de la comunidá científica refuga la posibilidá de vida presente en Marte, persisten delles duldes sobre si dalguna vegada esistió vida nesti planeta cuando la so atmósfera yera más trupa y l'agua esistía a esgaya sobre la so superficie.

Igualmente por cuenta de la posibilidá de vida marciana, la esploración de Marte (según la d'otros cuerpos celestes) realízase o entama realizar col procuru de nun provocar una contaminación interplanetaria con microorganismos de la Tierra.